Nepali Kabitaharu (नेपाली कविताहरु)
Wednesday 17 July 2013
Thursday 30 May 2013
Rajani Dhakal (रजनी ढकाल)
सहयात्री
आकाशमा टाँगिएको क्षितिजसँग
उषामा उदाएको उज्यालोसँग
र घामसँगै फैलिएका किरणहरूसँग
कसरी माग्न मिल्छ मैले
आफ्नो अस्तित्व ?
चरासँगै उडिरहेको बतासँग
चिर्बिरचिर्बिर आवाजसँग
जनावरको आरामदायी उग्राइसँग
कसरी माग्न मिल्छ मैले
आफ्नो पहिचान ?
के तिमी आफ्ना विश्वासहरू बटुलेर
आफैंले बाँचेको आस्थालाई साक्षी राखेर
तिम्रो र मेरो सम्बन्धका सरल रेखाहरूलाई
अझ बढी तन्काउन सक्दैनौ ?
Manu Lohorung (मनु लोहोरुङ्)
अर्को हिटलरको जन्म
कहिले सम्म उभ्याउछौ ?
उभ्याउ मलाई आकाश खस्दा सम्म
उभ्याउ मलाई धर्ति फाट्दा सम्म
किन कि,
मेरा पुर्खाले हिम्मत हार्न जानेन,
हरेसका धर्सा गनेन निधारमा
नारीवादको नाराले ढाँट,,सारीवादको पाराले थिच
म बेत्ताल भएर यो ब्रमाण्डमा उत्रिनेछु,
त्यसैले
चाहे मलाई,
Moti Chamling (मोती चाम्लिङ)
शहर र अवयव इन्द्रियहरु
छदम कांचको चस्मा लगाउने रहर किन ।।?
चुच्चे नेप्टे नाकको डाडीलाई सास्ती दिने हो भने,
सदाकांक्षा वांच्दैन त सादा कात्रोले नयन छोप लौ ।।
यसो गर्दा श्मसानको निनादमा संगीत अंकुरिन्थ्यो शायद
रवि भाष्करमा मगन अधरले लोकनिन्दा गाल्थ्यो शायद ।।।
शहर तिमी मानसि विलोलमा विवर्तन देखिएकी छयौ
तिम्रो सन्दिग्द्यतामा मनुष्यहरु संकिर्तन गाउन थाले ।।
सन्नद्ध कलाकारहरु आफनै क्यानभासमा रंग उतार्न लागे
वलवाहूको मन्त्रमुग्धतामा डुवेर आइसिसि टावरै उठाउन लागे ।।
शहर तर तिमी निस्तव्ध भइदियौ, तिम्रो मौनतालाई साँधेर,
Wednesday 22 May 2013
Prakash Sayami (प्रकाश सायमी)
गालिबको चिहान
![]() |
हाउजिङ वा आकाशे बजार बन्ला
केही पनि बन्नसक्छ यो भूमिमा ।
धेरैवर्ष पछि
यहाँ गगनमहल बन्ला
वा मल्टिकम्प्लेकसको प्रसिद्ध भवन ।
व्यस्त भरिभराउ
वा हेर्नै नसकिने
अभेद्य मान्छेको भीड होला तर हुनेछ एउटा गजल रेस्त्राँ
तर हुनेछ यहाँ एउटा पुस्तक पसल
त्यो भवनको टाकुरामा रहेको गजल रेस्त्राँमा
Ratna Shamser Thapa (रत्न शम्सेर थापा)
वैंश फुटी रहेछ ढुंगाको काईमा चिप्लेर
टक्टकिएर बकुल्ले बादलको
प्वाँख-प्वाँखको दूधे जराबाट
केशदेखि खुट्टाको बुढी औँलासम्म
ओढाउन सेतो बर्को हरियालीलाई
अर्घ चढाउँदै सूर्यलाई
आरती उतार्न बालिएका
मन्दिर, आँगन र चोक चोकमा
कातेका बत्तीहरू निलेर सलक्क
फुलिरहेछन् हिउँका फूलहरू झपक्क
Lekhnath Paudel (लेखनाथ पौडेल)
कालमहिमा
![]() |
भाका, भूल, दया, क्षमा र ममता, सन्तोष जान्दैन त्यो,
इन्द्रै बिन्ति गरुन् झुकेर पदमा त्यो बिन्ति मान्दैन त्यो,
थुप्रोमा उधिनी मिठो र नमिठो रोजेर छान्दैन त्यो,
खाता जाँची सबै दुरुस्त नबुझी बिर्सेर हान्दैन त्यो ।१।
राजा रङ्क सबै समान उसका वैषम्य गर्दैन त्यो,
आयो टप्प टिप्यो, लग्यो, मिति पुग्यो टारेर र्टर्दैन त्यो,
लाखौँ औषध अस्त्रशस्त्र महिमा देखेर र्डर्दैन त्यो,
व्याधातुल्य लुकेर चल्दछ सदा मारेर मर्दैन त्यो ।२।
Tulasi Divas (तुलसी दिवस)
आवाज, नदी र म
![]() |
समय थुनिएको बुइगलको भत्किएको पाखामा
शताब्दीको पुरानो डोकोबाट पोखिएको जैविक मलजस्तो
अँध्यारोको थुप्रोमा पुरिएर आफैँ निसासिई
दसैँको जमराजस्तो उज्यालो विमुख पहेलिएको आवाज,
युगको आफ्नै छिंडीको चिसो भुइँतलामा
युगौँदेखि बन्द समयको रुघा लागेको मोटो आवाज,
बन्दीघरमा थुनिएका तर नसुनिएका घरभरिको पातलो आवाज,
द्वन्द्व र सङ्घर्षको पहिरोमा परेर बगी
आफैँबीच चेप्टिएर पुरिएको आवाजहीन शून्य आवाज,
अनियन्त्रित राजनीतिक भ्रष्टाचारको मेदभावयुक्त बाढीमा बगेर
![]() |
बिर्सी बिर्सिसकिन्न
लीला माइतका भुलेर घरका धन्दा तिमीले गर्यौ
आमाको ममता भुलेर कसरी माया मलाई गर्यौ
छातीबाट झिकेर प्राणसरिका छोरी मलाई दियौ
हेरी आखिर घाटबाट रसिला आँखा ममा चिम्लियौ
आमाको ममता भुलेर कसरी माया मलाई गर्यौ
छातीबाट झिकेर प्राणसरिका छोरी मलाई दियौ
हेरी आखिर घाटबाट रसिला आँखा ममा चिम्लियौ
'ख्वै छोरीहरु छन् कता म त गएँ ख्वै माइती छन् कहाँ !
प्यारा ! यति रहेछ भेट टुहुरी हेरेर बस्नु यहाँ !'
धोको यत्ति कहेर के हृदयले उल्टीरहेकी थियौ
हेरी आखिर घाटबाट रसिला आँखा ममा चिम्लियौ
प्यारा ! यति रहेछ भेट टुहुरी हेरेर बस्नु यहाँ !'
धोको यत्ति कहेर के हृदयले उल्टीरहेकी थियौ
हेरी आखिर घाटबाट रसिला आँखा ममा चिम्लियौ
Subscribe to:
Posts (Atom)